So’nggi yangiliklar

14:50Фоден бугун ўйнамайди  0 14:30ЕЧЛ. "Қайрат" - "Реал" ўйини учун чипталар нархи қанча?  4 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  3 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  5 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  3 10:00Салоҳ АПЛ чемпионлигига асосий даъвогар жамоа номини айтди  8 09:32Украиналик футболчи учун курашда "Бенфика" ютиб чиқди  1 08:40Бухорога Суперлига ўйинларини қайтариш ҳаракати бошланди  8 08:17Sofascore. Захирадан майдонга тушган Ўринбоев энг катта баҳолардан бирини олди  5

"Hali asosiy maqsadimga erishganim yo'q" - "Dinamo"ning 2021 yildagi eng yaxshi futbolchisi SHohruh Abdurahmonov Yangiliklar

"Hali asosiy maqsadimga erishganim yo'q" - "Dinamo"ning 2021 yildagi eng yaxshi futbolchisi SHohruh Abdurahmonov

Samarqandning "Dinamo" jamoasi 2021 yil Pro liga yakunlariga ko'ra ikkinchi o'rinni egalladi va Superligaga yo'llanma oldi.

Bir so'z bilan aytganda Samarqandga katta futbol qaytdi. Bunda esa jamoadagi barcha o'z hissasini qo'shdi. Xabaringiz bor, "Dinamo" jamoasi bir necha yillardan beri har mavsum oxirida eng yaxshi futbolchini taqdirlash ananasini yo'lga qo'yib kelmoqda. Joriy mavsum ushbu etirof maydonda harakatlari va uzoqdan yo'llangan gollari bilan ajralib turgan SHohruh Abdurahmonovga nasib qildi. Biz "Neftchi" bilan kechgan so'nggi tur bahsidan so'ng uni suhbatga chorladik. 

- "Dinamo" ikki yillik tanaffusdan so'ng Superliga yo'llanmasini qo'lga kiritdi. Vazifa muddatidan avval bajarib bo'lingani navbatdagi uchrashuvlarga salbiy tasir qilgani yaqqol ko'rindi...

- Avvalambor barchan muxlislarni Superliga yo'llanmasi bilan tabriklayman. Ikki yil deganda biz o'z maqsadimizga erishdik. Albatta Pro liga tugashiga bir nechta tur qolganda vazifa bajarildi. Bu qanchalik tasir qilganini so'nggi o'yinlardagi natijalar ham aytib turibdi. 

- Mavsum davomida "Neftchi" bilan raqobatlashish qay darajada qiyin kechdi? 

- Ko'ryabsiz so'nggi ikki yilda Pro liga saviyasi ancha oshdi. Musobaqada raqobat sezilarli darajada kuchaydi. Superliga yo'llanmasi uchun kurashish qiziqarli kechdi. "Neftchi" haqli ravishda birinchi o'rin bilan Superligaga yo'llanma oldi. "Olimpik" bu yil tashkil topganiga qaramasdan har bir o'yinda kurashdi. "Nurafshon"ga qarshi o'yinlar ham oson bo'lgani yo'q. 

- Joriy yilgi mavsum SHohruh Abdurahmonov uchun shubhasiz omadli o'tdi, deya olamiz. Futbolchining qirralarini ochilishi va o'yini yorqin kechishi murabbiyga bog'liqmi?

- Mening fikrimcha, ha. Futbolchining qay darajada to'p tepishi murabbiyga bog'liq, deb o'ylayman. Joriy yilgi muvaffaqiyatlarim uchun murabbiylarimga va jamoadoshlarimga minnatdorchilik bildiraman. 

- 2019 yil "Paxtakor" o'rinbosarlaridan "Dinamo"ga ko'chib o'tgan edingiz. Samarqand klubi sizning transferingizni sotib olgandi. Bizdagi malumotlarga qaraganda o'shanda jamoa 500 million so'm to'lagan ekan...

- To'g'ri 2019 yilda meni "Paxtakor"dan sotib olgan. Lekin transfer narximning ochig'i bilmayman. 

- SHu kungacha jamoada ko'p bor tarkib o'zgardi. Futbolchilar almashdi. Boshqa jamoalardan takliflar bo'lganmi? O'sha mavsum Superligada Van Persi uslubida urgan golingizdan so'ng haridorlaringiz ko'paygandi. "Dinamo"da sizni ushlab turgan narsa nima?

- Superligada ishtirok etgan yilimiz juda ko'p tajribali ijrochilar bilan to'p tepgandim. Ulardan o'zim uchun foydali jihatlarni o'zlashtirdim. Tajriba orttirdim. Siz aytayotgan gol kutilmaganda yuz bergan edi. Vaziyat shuni taqozo qildi va gol urdim. Lekin takliflar haqida mening xabarim bo'lmagan.

- SHohruh Abdurahmonov kecha qanday edi, bugun qanday? Kelajakni qaysi jamoa bilan bog'lamoqchisiz?

- Meni shu darajaga kelishimga oilam, murabbiylarim sababchi. Oldin hech bunday natijaga erishishimga ishonmasdi. Oldimga maqsad qo'ydim va shu yo'lda ishonch bilan harakat qilmoqdaman. Hali asosiy maqsadimga erishganim yo'q. Bo'lg'usida faoliyatimni qaysi klub bilan bog'lashim aniq emas. 

- Maqsadingiz "Paxtakor"ga kuchli bo'lib qaytishmi yoki oldinga harakat qilish?

- Maqsadim xudo xohlasa APLda to'p tepish. Albatta faqat oldinga qarab intilaman.  


Abdulaziz Iskandarov

Reyting: +2   

Fikrlar

championat.asia
< so’nggi yangiliklarni ko’rish
Яндекс.Метрика