Hafta iqtiboslari. Murabbiy va futbolchilardan ajoyib fikrlar

- "Uyga kelganimda juda charchagan bo'laman. SHu bois o'g'lim futbol o'ynaylik desa, yaxshisi darvozada tura qolay deyman". (Marselo sakkiz yoshli o'g'li Enco bilan futbol o'ynashi haqida) 

- "Men uchun eng buyuklar bu - Alfredo di Stefano, Yoxan Kruiff va Messi. (Biroz o'ylanib...) Ronalduniyam bu ro'yxatga qo'shsa bo'ladi". (Maradona o'zi tan olgan eng kuchli futbolchilar haqida) 

- "Etti yo sakkiz yoshda edim, otam uyga ustiga chiqib sakraydigan moslama olib keldi. Har gal sakraganimda otam to'pni men tomon otardi va men bosh bilan zarba berishga harakat qilardim. Buni juda ko'p mashq qilganman. Menimcha, bosh bilan yaxshi o'ynashimning sababi shunda bo'lsa kerak". ("CHelsi" hujumchisi Alvaro Morata bosh bilan nima uchun yaxshi o'ynashi haqida) 

- "Ser Aleks Fergyuson haliyam mendan xafa bo'lsa kerak. CHunki u meni 2003 yo 2004 yili "MYU"ga taklif qilgan, men esa "Bavariya"da qolishni afzal ko'rgandim. Endi o'ylab ko'rsam o'shanda Angliyaga ko'chib o'tsam bo'larkan. CHunki bu men uchun yangi chaqiriq bo'lgandi". (Germaniyalik sobiq darvozabon Oliver Kan o'z paytida "Manchester Yunayted"ga ko'chib o'tishi mumkinligi haqida)

- "David Silva - jamoaviy futbolchi. Uning jamoaga qanchalik foyda keltirayotganini faqat ko'r odamgina ko'ra olmaydi". ("Manchester Siti" bosh murabbiyi Pep Gvardiola ispan shogirdi haqida)

- "Bizda yoqilg'i yo'q, lekin ideya bor, ularda esa ham yoqilg'i, ham ideya bor". ("Arsenal" bosh murabbiyi Arsen Venger APLda ketma-ket 15ta g'alabaga erishgan "Manchester Siti" haqida)