Gvardiola: "Pele, Maradona, Kroyff, Messi, Bekkenbauer, Krishtianu Ronaldu – bu futbolchilar mangu bo'lib qoladi"

Eslatib o'tamiz, Pele 82 yoshida vafot etdi. So'nggi yillarda futbol qiroli saraton kasalligi bilan kurashib kelayotgandi.

"Pele istalgan davr futbolchilari bilan bir qatorda o'ynay olardi. Peleni o'z ko'zlari bilan ko'rganlar uni eng zo'ri deb aytishadi. Argentinada Di Stefano, Maradona, Messini tilga olishadi. Men har doim Messini shunday ataganman, chunki men u bilan ishlaganman, lekin kimdir bu nomga boshqa futbolchini loyiq ko'rishini to'g'ri tushunaman.

Pele jahon chempionatida o'ynaganida men hali tug'ilmagandim. Bu har doim tilga olinadigan yaxshi film yoki yaxshi kitobga o'xshaydi. Pele, Maradona, Kroyff, Messi, Bekkenbauer, Krishtianu Ronaldu – bu futbolchilar mangu bo'lib qoladi", dedi Gvardiola.