Gvardiola Bravoni himoya qildi

"Bravo aqlli va tajribali. U jahonning eng yaxshi besh darvozabonidan biriga aylandi. Unda Evropa va Janubiy Amerika tajribasi bor. Bravo ikkinchi qavatdagi uzatmalarga ehtiyot bo'lish kerakligini tezda tushungan. Buni tushunish uchun gazeta o'qish shart emas.

Bravoning ko'nikishiga vaqt lozim. Bu hammaga kerak - himoyachilar, yarim himoyachilar yoki hujumchilarga. Nega u ko'nikishi kerak, boshqalar esa yo'q?

Ikkinchi qavatda muammolarga ega bo'lgan ko'plab posbonlarni bilaman. Ammo keyinroq ular to'p uchun qanday kurashganini ko'rganman" - deydi Gvardiola.