Gari Nevill: "Messi va Ronaldu endilikda dunyoning eng yaxshi futbolchilari emas"

“Kichik chaqnashlar bo'lishi mumkindir, ammo shubhasiz, Ronaldu va Messi faoliyatini yakunlash arafasida turibdi. Bu ularning mavsum oxirida futbolchilik faoliyatini yakunlaydi, degani emas. Ronaldu va Messi yana 3-4 yil o'ynashi mumkin, chunki ularning jismoniy imkoniyatlarini bilamiz. Ammo ular endilikda u qadar kuchli emasligiga shubha yo'q.

Hozir odamlardan sevimli klubi qaysi futbolchi bilan shartnoma imzolashni xohlashlarini so'rasangiz, javoblar orasidan Messi yoki Ronaldu nomini deyarli eshitmaysiz. Ular Mbappe, Holand, Saloh, Levandovskilarni aytishi mumkin.

Ronaldu va Messi nomi tilga olinmayapti va bu ular hali ham eng yuqori saviyada to'p tepishsa-da, avvalgi darajasini yo'qotmoqda. Ular endilikda dunyoning eng yaxshi futbolchilari emas”, - dedi “Manchester Yunayted”ning sobiq himoyachisi.