Futzal. O'zbekiston Osiyo chempionatlarida 8-marta sovrindor bo'ldi
11 fev 2018 15:55
Yangiliklar
Futzal. O'zbekiston Osiyo chempionatlarida 8-marta sovrindor bo'ldi
Bugun futzal bo'yicha O'zbekiston terma jamoasi Xitoy Taypeida o'tayotgan Osiyo chempionatida bronza medaliga ega chiqdi.
Bahodir Ahmedov boshchiligidagi jamoa uchinchi o'rin uchun bahsda Iroqni penaltilar seriyasida mag'lub etdi (4:4, 2:1 penaltilar seriyasi) va o'z tarixida 4-marta qita chempionati bronza medalini qo'lga kiritdi.
Umuman olganda O'zbekiston futzal terma jamoasi 8-marta Osiyo chempionatida sovrindor bo'ldi. Mamlakatimiz jamoasi 4 marta kumush medallariga ham ega chiqqan.
Oxirgi uchta Osiyo chempionatining barchasida O'zbekiston sovrindor bo'la oldi. Terma jamoamiz 2014 yil bronza, 2016 yil kumush medallari sohibi bo'lgandi.
Fikrlar