Futzal. Bosh jamoamiz dunyo reytingida 19-o'rinda

Bu safar O'zbekiston milliy terma jamoamiz dunyo reytingida 19-o'rinda qayd etilgan. Aniqrog'i, Xose Mariya Mendez shogirdlari o'tgan reytingdagi o'rinlarini saqlab qolishdi. Bosh futzal jamoamiz hisobida 1278 ochko bor.
Osiyoda terma jamoamiz Eron, Yaponiya va Tailanddan so'ng qitaning to'rtinchi jamoasi bo'lib turibdi. MDH va Boltiqbo'yi davlatlari orasida ham terma jamoamiz to'rtinchi o'rinda.

Dunyo reytingini Ispaniya terma jamoasi boshqarib turibdi. Kuchli o'ntalikdan Braziliya, Rossiya, Italiya, Argentina, Eron, Portugaliya, Ukraina, Kolumbiya, CHexiya terma jamoalar joy olishgan. MDH va Boltiqbo'yi terma jamoalarining joylashuvi esa mana shunday ko'rinish olgan:

3. Rossiya
8. Ukraina
14. Ozarbayjon
19. O'ZBEKISTON
20. Qozog'iston
22.Belarus
43. Qirg'iziston
51. Latviya
52. Gruziya
55. Moldova
58. Tojikiston
65. Litva
67. Turkmaniston
95. Estoniya.