Futzal, ayollar va U18 jamoalariga beetibor Superliga klublari jazolanadi

Bu talablarni bajarish, albatta, oson emas. Ammo Pepsi Superliga klublari mavsum avvalidayoq buni bilgan va shu ishlarni bajarish kafolatini bergan. SHunga qaramay, ayrim jamoalar futzalchilarga yoki eng kichik yosh jamoalarga etiborni susaytirib yuborgan. Bu borada PFL shikoyatlar qabul qilib turibdi.

SHundan kelib chiqib, Professional futbol ligasi Superliga klublarini rasman ogohlantiradi. SHakli jihatidan boshqa-boshqa bo'lishiga qaramay, ayollar futboli va futzal jamoalari ham klubning teng huquqli azosidir. SHu qoida kimningdir yodidan ko'tarilgan bo'lsa, o'sha jamoa jazoga tortiladi.

Ayni vaqtda bir qator klublarda moliyaviy muammolar borligidan PFL xabardor. Moliyaviy masalalar girdobida qolgan jamoalar muammosiga echim topish uchun O'FA rahbariyati ham jiddiy harakat qilmoqda. Futbol klublarining rivojlanishi va shu yo'l orqali mamlakat futbolida o'sish bo'lishidan barchamiz manfaatdormiz.

O'z navbatida klublar rahbariyati ham qo'l qovushtirib o'tirishi kerak emas. Futboldagi islohotlar davrida hech kimga oson bo'layotgani yo'q. SHunday ekan, jangsiz taslim bo'lish yarashmaydi. Klublar o'zida bor muammolar, echim topmayotgan masalalar yuzasidan jiddiy ish olib borsin, OAV bilan ishlasin va hokazo. Bizning muammolarimizni tashqaridan kimdir kelib hal qilib bermaydi.

PFL talabi esa o'zgarmaydi. Pepsi Superligasi klublari asosiy tarkib futbolchilariga qanday etibor qaratsa, qolganlar ham shunday etiborda bo'lishi lozim. O'z navbatida Pro-Liga klublari ham hozirdanoq bu kabi talablar haqida bosh qotirishi shart. Zero bu talablarga javob bera olmaydigan klublar baribir Superligaga qo'yilmaydi.

P.S. Xabar matni klublarga alohida-alohida jo'natildi. Bundan buyon klubdagi qolgan jamoalar ham nazorat qilinadi. Ulardagi muammolar uchun klub rahbariyati javob beradi.