Futzal. 1-turda yirik g'alabani qo'lga kiritgan O'zbekiston termasi Tojikistonga qarshi o'yin oldidan mashg'ulot o'tkazdi

Dastlabki turda vakillarimiz Janubiy Koreyani 13:2 hisobida mag'lubiyatga uchratgan edi.

Bahodir Ahmedov shogirdlari bugun, mahalliy vaqt bilan 12:30 da Hsing Wu universitetiga qarashli sport majmuasiga etib keldi va 1,5 soat davomida mashg'ulot o'tkazdi. Mashg'ulot davomida murabbiylar shtabi standart vaziyatlar bilan ishlashga alohida etibor qaratdi.

Xitoy Taypeyida havo harorati +13 daraja iliq, yomrig' tinimsiz yog'moqda. Futzalchilar Tojikiston bilan o'yinga jiddiy tayyorgarlik ko'rishmoqda. Murabbiylar shtabi Yaponiya va Tojikiston uchrashuvini tahlil qildi va ertaga o'yin oldidan o'yinchilarga kerakli ko'rsatmalar beradi.

Eslatib o'tamiz, Osiyo chempionati “B” guruhi 2-turidan o'rin olgan O'zbekiston va Tojikiston uchrashuvi ertaga, 3 fevral kuni Toshkent vaqti bilan 13:30 da boshlanadi.

Futzal bo'yicha OCH–2018
1 fevral, payshanba
1-tur natijalari

O'zbekiston – Janubiy Koreya 13:2
Yaponiya – Tojikiston 4:2

Guruhdagi qolgan o'yinlar taqvimi

3 fevral, shanba

13:30 Tojikiston – O'zbekiston
16:00 Janubiy Koreya – Yaponiya

5 fevral, dushanba

13:30 O'zbekiston – Yaponiya
16:00 Tojikiston – Janubiy Koreya

Eslatma: Uchrashuvlar boshlanishi Toshkent vaqti bilan ko'rsatilgan.