Futbol o'rniga kibersport

Futbol o'yinlari ham bundan mustasno emas. Biroq kibersport musobaqalari haqida bunday deya olmaymiz. Bir necha kun oldin LaLiga vakillari FIFA20 o'yini bo'yicha musobaqa tashkil qilib, unda haqiqiy futbolchilar ishtirok etishini taminlashdi. Ushbu o'yinlarni minglab ishqibozlar tomosha qilishdi.

Kibersport musobaqalarining tomoshalari kundan-kunga ortib bormoqda va o'quvchilarimizga ushbu yo'nalishda o'tkazilayotgan eng so'nggi musobaqalarni taqdim etishga qaror qildik.

Dota 2

Ayni damda Dota 2 bo'yicha WeSave! Charity Play xayriya turniri o'tkazilmoqda. Unda har bir zonaning (MDH, Evropa, SHimoliy Amerika, Janubiy Amerika, janubi-sharqiy Osiyo, Xitoy) mashhur jamoalari o'zaro bellashishmoqda. Ushbu turnirdan tushgan pullar koronavirusga qarshi kurashga sarflanadi.

Ushbu o'yinlarni Twitch.tv platformasi (sayti) orqali WePlay kanallarida tomosha qilishingiz mumkin.

CS GO (Counter Strike Global Offensive)

SHu kunlarda ESL tomonidan tashkil etilgan ESL Pro League Season 11: Europe musobaqasi davom etmoqda. Evropaning eng kuchli 18ta jamoasi 3ta guruhga bo'lingan. Bugun "A" va "B" guruhlaridagi so'nggi o'yinlar bo'lib o'tadi.

Guruh g'oliblari to'g'ridan-to'g'ri ikkinchi bosqichga yo'l olishadi, 2 va 3-o'rinni egallagan jamoalar pley-off o'yinlarini o'tkazib, navbatdagi bosqich uchun kurash olib borishadi. Turnirning sovrin jamg'armasi 531 000 AQSH dollarini tashkil qiladi. Musobaqa chempioni 75 000 dollarini qo'lga kiritadi.

Ushbu musobaqada yagona o'zbekistonlik kibersportchi mavjud. SANJI niki ostida o'ynayotgan Sanjar Kuliev "Virtus.pro" sharafini himoya qilmoqda. Ushbu jamoa "C" guruhida va ushbu oltilik o'yinlari 26 martdan start oladi.

Ushbu turnir o'yinlari Twitch.tv platformasi (sayti)dagi MainCast kanalida namoyish etilmoqda. Bugungi bahslar Toshkent vaqti bilan 22:00da boshlanadi.