Firdavs Asadov: "Tezroq jamoaga yordam berishni istayman"

Ushbu bahs oldidan uzoq muddat jarohatdan so'ng safga qaytgan va yoshlar ligasi bahslariga gollar kiritishni boshlagan Firdavs Asadov o'yin haqida fikrlarini bildirib o'tdi.

"Bugun bizning jamoani har qachongidan ko'ra og'ir o'yin kutib turibdi. Bu o'yinda bizga uch ochko suv va havodek muhim. Undan tashqari o'yin derbi maqomida kechadi. Bu ham o'yin ahamiyatini belgilab beradi. Kim ko'proq hujum qilsa bugun o'sha jamoa g'alaba qozonadi. Har ikki jamoada ham imkoniyat bir xil. Turnir jadvalida ham bu ikki jamoaning ahvoli havas qiladigan darajada emas. Bu esa o'yinga katta tasir qiladi. Umid qilamizki bugun uch ochkoni olib qolamiz" - deydi Firdavs Asadov o'yin haqida.

- Firdavs, uzoq muddat tanaffusdan so'ng yana yoshlar ligasida ko'rina boshladingiz. Bu sizga qanchalik tasir o'tkazmoqda ?

Yana maydonga qaytganimdan xursandman. Tezroq katta futbolga ham qaytishni va jamoaga yordam berishni istayman. Uzoq muddatli tanaffus albatta jismoniy holatimga tasir o'tkazgan edi biroq men ko'pdan beri mashgulotlar bilan o'z holatimni tiklab bormoqdaman. Yoshlar ligasida maydonga tushib kelmoqdaman. Endi asosiy tarkibga ham keldi. O'ylaymanki, tanaffus menga salbiy tasir o'tkazmaydi va avvalgidan ham ko'ra ko'proq ishlashim kerakligini anglab turaman.

"Mashal" matbuot xizmati