Firdavs Asadov: "Oliy ligadagi ilk golimni amakimga bag'ishlayman"

- O'yin yaxshi o'tdi, natijadan juda xursandman. CHempionatdagi hamda oliy ligadagi birinchi golimni urganimdan juda xursandman, birinchi golimni amakimga bag'ishlayman, chunki bugun u kishining tug'ilgan kunlari va bu super golni tug'ilgan kunlariga sovg'a qilaman.

Muxlislarga ko'llab-kuvvatlaganlari uchun katta rahmat, bir necha o'yindan beri mendan gol so'rab yurishgan edi. Men xudoga shukurki bu golni urdim va bu bilan cheklanib qolmaslikga harakat qilaman. Edgar Yakovlievichga ham katta rahmat, menga ishonib deyarli har o'yinga asosiy tarkibda o'ynashga imkon berib kelayotganlari uchun.

Bosh murabbiyimiz hozirgi kunda kamdan-kam murabbiylar qilayotgan ishni qilyaptilar, yani bizday mahalliy va yosh futbolchilarga imkoniyat yaratib, muntazam ravishda ishonch bildirib, eng asosiysi asosiy tarkibda o'ynash imkoniyatini bermoqdalar. Mana bugun yana bir hamshaharim Ravshan Aslanov ham o'zini ajoyib tomondan ko'rsata oldi va bitta golga assistentlik qildi.

Bundan keyin men bosh murabbiyimiz ishonchini oqlashga harakat qilaman va albatta yana ko'plab gollar urishga intilaman.

Saytingizni muntazam ravishda kuzatib boraman, muxlislarning fikrlarini diqqatlik bilan o'qiyman va tanqidlardan keraklli xulosalar chiqarishga harakat qilib kelaman, - deydi Asadov.