Figo: "Ispaniya mundialda g'olib bo'lolmaydi"

Ispaniya terma jamoasi mundialda g'olib bo'lolmaydi. Ularning hozirgi darajasi chempion bo'lishga qodir emas. Ular o'tgan mundialdagi natijalarini takrorlay olishmaydi. Lekin buni uddalab bo'lmaydigan ish demagan bo'lardim.
Braziliya? Ular o'z uylarida o'ynashayotganligi ularga qo'l kelishi mumkin. Har qanday raqibga ularga qarshi o'ynash juda katta qiyinchiliklar tug'dirishi tabiiy. Mahalliy ishqibozlar bosimi ham yuqori bo'ladi. Luis Felipe Skolari bunday katta turnirlarda qanday g'alaba qozonishni juda yaxshi biladi.
Portugaliya? Bizning terma jamoaga juda qiyin bo'ladi. Finalgacha borish uchun juda uzun yo'lni bosib o'tish talab etiladi. Bizning mamlakatda 11 million odam bor va jahon chempionati uchun 18-20 futbolchini tanlab olish qiyin. Portugaliya Ronaldoga bog'liq jamoa.