FIFA zilzila tufayli Turkiyadagi transfer oynasi muddatini uzaytirdi

"Turkiyadagi tabiiy ofat tufayli yuzaga kelgan favqulodda vaziyatni hisobga olgan holda, FIFA Kengashi Byurosi Turkiya Futbol Associaciyasining (TFF) TMS bilan ikkinchi ro'yxatdan o'tkazish muddatini 2023 yilning 18 fevraliga qadar uzaytirishga qaror qildi", – deyiladi FIFA xabarida.

Avvalroq Turkiyada barcha sport tadbirlari bekor qilingan edi.

Eslatib o'tamiz, bir necha kun avval Turkiyada bir qator jiddiy zilzilalar sodir bo'ldi. Eng kuchli qimirlash 7,8 magnitudaga ega edi. Tabiiy ofatlar natijasida Turkiya bo'ylab ko'plab binolar qulab tushdi. Hozirgi malumotlarga ko'ra, qurbonlar soni 12 mingdan oshgan. Yana 63 mingga yaqin odam esa yaralangan.