FIFA Bekkenbauerni ko'rsatma bermaganligi uchun jazolashi mumkin
10 iyu 2014 08:41
Yangiliklar

FIFA Bekkenbauerni ko'rsatma bermaganligi uchun jazolashi mumkin

FIFA etika Qo'mitasi bosh tergovchisi, AQSH prokurori Maykl Garsiya “Bavariya” prezidenti Franc Bekkenbauerdan JCH-2018 va JCH-2022 bo'yicha tegishli ko'rsatmalarni ololmadi.

Malumki, aynan Garsiya bir necha oydan beri Rossiya va Qatarga jahon chempionati mezbonligini topshirishda qonun buzilganligini isbotlash uchun tergov olib boryapti. SHu maqsadda u ikki bor Bekkenbauerga elektron pochta orqali maktub jo'natgan. Ammo har ikki safar ham 68 yoshli Franc bu maktublarni pochtasidan o'chirib, bekor qilgan.

Avvalroq, Garsiya FIFA va UEFAning ko'plab amaldorlari, shu jumladan har ikki tashkilot prezidentlari – Yozef Blatter va Mishel Platinini ham so'roq qilgandi. Bekkenbauer ham 2010 yili bo'lajak jahon chempionati mezbonlarini aniqlab bergan FIFA ijroqo'mi tarkibiga kirgan.

O'z o'rnida Franc ingliz tilida maktub olganligini tasdiqladi, lekin nemis tilida bo'lmaganligi uchun uni etiborsiz qoldirganligini aytgan. Endi Bekkenbauer FIFA reglamentini buzganligi uchun moddiy jarima to'lash, o'z lavozimidan malum muddatga chetlatish kabi jazoga tortilishi mumkin.

Havola :

Manba : olamsport.com

Yangiliklarni Telegramda o'qing!

Reyting: