Fernandesh: “MYUga o'tishimni bilganimdan keyin yig'laganman”

“Rostini aytsam, qo'rqqan edim. Orzuim ushaldi, ammo bu ushalmas orzudek edi. “Manchester Yunayted”da o'ynash esa faoliyatimning cho'qqisidir. Menga qo'ng'iroq qilishdi va “Brunu, senda MYUga o'tish imkoniyati mavjud”, deb aytishdi, shu zahotiyoq yaqinlarim, onam bilan bog'landim va shunchaki yig'lab yubordim.

Biroq, bu baxt ko'z yoshlari edi. Buning uchun umrim davomida kurashdim, orzuga erishish uchun esa ikkala qo'lim bilan tirmashishim kerak edi. Futbolchi bo'lishni istashimdan oilam xabardor bo'lgan. Ular mening katta orzuim – “Manchester Yunayted” uchun Angiya Premer-ligasida o'ynashni xohlashimni bilishardi”, deydi portugaliyalik xavbek.