Farrux SHotursunov: “Neftchi" bilan o'yinga ruhan va jismonan tayyormiz”

Ushbu bahs oldidan “Sug'diyona” hujumchisi Farrux SHotursunov bilan suhbatlashdik.

- Jizzaxning “Sug'diyona” jamoasiga qanchalik kirishib ketdingiz?
- Jamoa meni yaxshi qabul qildi va bu erda ko'pchilikni taniganim uchun qiynalmadim. Murabbiyimiz Davron Fayziev bilan ishlashimdan va  “Sug'diyona”da faoliyatimni davom ettirayotganimdan xursandman.

- Navbatdagi turni safarda Farg'onaning “Neftchi” jamoasiga qarshi o'tkazasizlar. Ushbu o'yin oldidan o'z fikrlarigiz bilan bo'lishsangiz.
- Jamoamiz o'yinga ruhan va jismonan tayyor. Ushbu uchrashuvga ko'p narsa bog'liq. Bizga ochko kerak va ushbu o'yindagi natija turnir jadvaliga ham tasir qiladi. Murabbiyimizning barcha ko'rsatmalariga amal qilib chiroyli o'yin ko'rsatishga harakat qilamiz. Malumki “Lokomotiv” klubiga qarshi yaxshi o'yin ko'rsatdik va bizni qullab-quvvatlagan barcha muxlislarga rahmat aytmoqchiman. Bu safar ham Jizzax muxlislarini xursand qilamiz degan umiddaman.


Dildora Xolbaeva suhbatlashdi