Farg'onada "O'qituvchi va murabbiylar kuni"ga bag'ishlangan futbol musobaqasi bo'lib o'tdi

Jami 19 ta tuman va shahar jamoalari ishtirok etgan mazkur musobaqa tomoshabop uchrashuvlarga boy tarzda o'tdi.

Farg'ona viloyat hokimligi, Farg'ona viloyati jismoniy tarbiya va sport boshqarmasi, Farg'ona viloyati Futbol Associaciyasi va boshqa mutasaddi tashkilotlar tashabbusi ostida tashkil etilgan mazkur musobaqaning final uchrashuvida Oltiariq va So'x tumani jamoalari to'qnash keldilar. Qiziqarli va keskin kurashlarga boy tarzda o'tgan final bahsida oltiariqliklar 3:0 hisobida g'alaba qozondilar.

Ushbu natijadan so'ng So'x tumani jamoasi ikkinchi o'rinni qo'lga kiritgan bo'lsalar, Marg'ilon shahri va Uchko'prik tumani jamoalari musobaqaning uchinchi o'riniga loyiq deb topildi.

Final uchrashuvidan so'ng mutasaddi tashkilotlar vakillari ishtirokida musobaqa qatnashchilariga diplom va esdalik uchun sovg'alar topshirildi.

Umuman olganda, "O'qituvchi va murabbiylar kuni" munosabati bilan tashkil etilgan mazkur musobaqa ko'tarinki kayfiyatda tashkil etildi.

Bekzod Tolibov, Farg'onadan maxsus