Evropa CHempionlar Ligasi. Guruh bosqichi rekordlari!
17 dek 2014 19:00
Yangiliklar

Evropa CHempionlar Ligasi. Guruh bosqichi rekordlari!

Leonel Messining rekord qayd etishi oddiy holga aylanib qoldi. Lekin, ECHLning guruh o'yinlarida Luis Adriano, Xavi Ernandes va Franchesko Totti kabi futbolchilar tomonidan ham o'ziga hos rekord qayd etildi.

- Messi 6 ta o'yinda 8 ta gol kiritdi va CHempionlar Ligasidagi gollari sonini 75 taga etkazdi. Bu uning ECHL rekordchisi hisoblangan Rauldan (71 gol) o'tib ketishi uchun etarli bo'ldi;

- "SHaxtyor" hujumchisi Luis Adriano guruh o'yinlarida 9 ta gol kiritib Ronalduning rekordini takrorladi;

- "Barselona" futbolchisi Xavi Ernandes ECHLda ko'p o'yin o'tkazish bo'yicha rekordchiga aylanib oldi - 146 ta o'yin;

- "Real" guruh bosqichi o'yinlarida ikki marotaba barcha o'yinda g'alaba qozongan ilk jamoaga aylanib oldi;

- 24 ta gol o'tkazib yuborgan BATE eng ko'p gol o'tkazib yuborish bo'yicha antirekordni takrorladi;

- "Manchester Siti"ga gol kiritgan "Roma" sardori Franchesko Totti turnir tarixida gol urgan eng yoshi katta futbolchiga aylanib oldi. CSKAga qarshi o'yinda esa u natijasini yaxshilab oldi. Uning ko'rsatkichi 38 yosh 59 kunlik;

- Uchinchi turda "Roma"ni 7:1 hisobida mag'lubiyatga uchratgan "Bavariya" uch marotaba 7 ta gol kiritib g'alaba qozongan ilk jamoaga aylandi. Bungacha myunxenliklar 2009 yilda "Sporting" (7:1), 2011 yilda "Bazel"ni (7:1) shuncha gol kiritib yutgandilar;

- BATEni 7:0 hisobida yutgan "SHaxtyor" birinchi bo'limda oltita gol kiritgan ilk jamoaga aylandi;

- Uchinchi turning birinchi kunida umumiy hisobda jamoalar 40 ta gol kiritishdi.

Aziz To'xtamurodov tayyorladi

Havola :

Manba : championat.asia

Yangiliklarni Telegramda o'qing!

Reyting: +1