Eshitdik-da! Oston O'runovga K-liga grandi qiziqmoqda, ammo...

"Ximki" bosh murabbiyi O'runov haqida: "Spartak" bilan muzokaralar olib bordik, ammo barchasi maoshga borib taqalmoqda"

O'runovga K-liga gigantlaridan biri "CHonbuk Motors" qiziqish bildirmoqda. Koreyaliklar Ostonga "Spartak"dagi maoshiga yaqin summani to'lashga tayyor. Biroq, futbolchining "Spartak" bilan shartnomasi bor. Rus klubidagi manbalarimizning bergan malumotlariga ko'ra, "Spartak" rahbariyati Oston O'runov bilan shartnomani o'zaro kelishuv bo'yicha bekor qilib, uning qolgan maoshini bermoqchi emas. Yani, moskvaliklar futbolchini tekinga qo'yib yuborishga tayyor.

Oston hamda "qizil-oqlar" o'rtasidagi bitim 2025 yilning yozida yakuniga etadi. 21 yoshli yarim himoyachi bunga ko'nmayapti, chunki agar u ushbu kelishuvga rozi bo'lsa 2 mln. dollardan ortiqroq mablag'dan voz kechishiga to'g'ri keladi. CHunki Oston qolgan 3 yil ichida "Spartak" bilan shartnomaga ko'ra umumiy 2 mln. dollardan ortiqroq maosh olishi kerak. Hozircha muzokaralar davom etyapti, yakuniy qaror haqida birinchilardan bo'lib "Championat.asia"da o'qishingiz mumkin.