Eshitdik-da! “Metallurg” Superligada qolishning sportga zid principlariga o'tdi, “Mashal” va “Andijon” bu g'oyani qo'llab-quvvatlamoqda

SHunga qaramay, bizga etib kelgan malumotlarga ko'ra “Metallurg” boshqa yo'ldan yurishga qaror qilgan.

Endilikda klub rahbariyati Superliganing qolgan klublariga aloqaga chiqib, Superliga ishtirokchilari sonini 16 taga etkazish yuzasidan xat yig'ishni boshlagan. Ayni vaqtda “Mashal”, “Andijon” kabi klublar bu g'oyani qo'llab-quvvatlamoqda. Qiziq tarafi, aslida mazkur klublar sog'lom raqobat uchun maydonda kurash olib borishi kerak. Ammo ular vaziyat qo'ldan boy berilayotganini his qilib, sport qoidalariga zid yo'lda birlashmoqda.

Manbaning qayd etishicha, mazkur klublar Pro ligaga tushib ketsa, klub smetasi qisqarib ketadi. Aynan davlat korxonasidan ko'proq pul undirish uchun ham bu klublarning Superligada jon saqlab qolishi muhim. Malumki, “Mashal”, “Metallurg” kabi klublar davlat tomonidan moliyalashtiriladi.

Ayni vaqtda mazkur klublar bu harakatni PFLga bildirmaslikka harakat qilmoqda. Boisi bugungi PFL sport principlarini tish-tirnog'i bilan himoya qilishi tabiiy.