Eron terma jamoasi hujumchisi mavsum davomida og'riq qoldiruvchi vositalar bilan o'ynab kelmoqda

Yozda "Portu"dan kelib qo'shilgan hujumchi "Inter" libosida yomon o'ynayotgani uchun tanqidlar yomg'iri ostida qolib ketdi. U mavjud vaziyat borasida quyidagicha izoh berdi:

"Deyarli butun mavsum mobaynida jarohatga yo'liqib keldim, ko'p marta og'riq qoldiruvchi vositalar bilan o'ynadim. Muxlislar mendan ko'prog'ini kutishganini bilaman, yaxshiroq o'ynashga harakat qilaman.

Men bahona topib, muammolar haqida gapirishni xohlamayman, ammo biror joying og'rib turganida o'ynash qiyin. Har qanday holatda ham mavsum oxirigacha bor kuchimni ishga solaman, ishonchni oqlashga urinaman", – dedi eronlik futbolchi.

Eslatib o'tamiz, O'zbekiston terma jamoasi JCH 3-saralash bosqichi 8-turi doirasida Eron bilan bilan bahs olib boradi. Uchrashuv 25 mart kuni Tehrondagi "Ozodi" stadionida o'tkaziladi.