Erkin Boydullaev: "OCHL pley-off o'yinlarida qatnashish niyatim bor"

Albatta, barcha muxlislarni yaqinlashib kelayotgan "Nasaf"ning safarda o'tkazadigan OCHL pley off o'yinlarida tarkib yuzasidan biroz xavotirlari bor desak mubolag'a bo'lmasa kerak. Aslida tarkib bo'yicha emas balki joriy mavsumda jarohat olgan o'yinchilarni qachon maydonga tusha olishi ko'proq qiziqtirishi turgan gap.

Ana shularni hisobga olib, "xizmat doirasidan tashqarida" qolayotgan o'yinchilarning ahvoli bilan qiziqib, ular bilan qisqacha suhbatlar uyushtirib, siz aziz muxlislarni boxabar qilib borishni niyat qildik.

Joriy mavsumning 21-turidagi “Nasaf”-“Neftchi” 2:0 uchrashuvining 10 daqiqasida jiddiy jarohat olib, maydonni tark etgan jamoaning etakchi yarim himoyachisi Erkin Boydullav jamoaning keyingi besh muhim uchrashuvlarida maydonga tusha olmadi.

Yuqorida aytib o'tganimizdek bugun Erkin Boydullaevning hozirgi holati bilan qiziqdik.

- Assalomu alaykum, Erkinjon sog'liklaringiz va kayfiyatlaringiz yaxshimi, jarohatdan to'liq forig' bo'ldingizmi?

- Katta rahmat, sog'ligim joyida, ayni paytda jamoamiz futbolchilari bilan birga klub bazasidaman. Hozirgi kunda asosiy etiborim jismoniy tayyorgarliklarga qaratilgan. Kayfiyatim ham juda yaxshi.

- Aytingchi Siz qachon maydonga tusha olishingiz mumkin?
- Kelasi oydan bemalol maydonda to'liq harakat qilishim mumkin. Nasib bo'lsa, OCHL pley-off uchrashuvlarida jamoamiz uchrashuvlarida qatnashish niyatim bor. SHuncha dam olganim etadi endi (kulib).


Ko'rib turganingizdek Erkin Boydullaevdan xavotir olishga o'rin yo'q. U deyarli o'ynashga tayyor holda.

Biz barcha "Nasaf" muxlislari nomidan Erkin Boydullaevga mustahkam sog'lik va kelasi yilgi chempionatda ulkan zafarlar tilab qolamiz. Jarohat tufayli iztiroblar ortda qolgani chin bo'lsin deymiz.