EPL Manager: 10-tur sharhi

10-tur o'yinlarini "Sanderlend" - "Arsenal" uchrashuvi ochib berdi. Bu bahsda "to'pchilar" 4:1 hisobida g'alaba qozonishdi. Aleksis Sanches va Olive Jiruning dubli londonliklarga g'alaba keltirdi. Mezbonlar safida Jermeyn Defo o'z hisobiga gol yozdirib qo'ydi.

Xavfli hududda bo'lgan "Midlsbro" nihoyat g'alabaga erishdi. "Bornmut" Aytor Karanka jamoasiga ochko ulashdi.

"Tottenxem" "Uayt Xart Leyn"da "Lester Siti"ni qabul qildi. "Tulkilar" bu safar kuchli jamoaga qarshi ochko ola bildi. Yanssen va Musaning gollari uchrashuv 1:1 hisobida yakunlanishini taminladi.

"Manchester Yunayted" ketma-ket to'rtta turda g'alabaga erisha olmayapti. Bu safar mankunianlar "Old Trafford"da "Byornli"ni qabul qildi. Tom Xitonning ajoyib seyvlari tufayli bahs golsiz durang bilan yakunlandi. Mezbonlar raqib darvozasiga 37 ta zarba berdi.

"Uotford" uyida "Xall Siti"ni taslim etdi (1:0). Uchrashuvdagi yagona gol "Xall Siti" futbolchisi Douson (avtogol) nomiga yozildi.

"Manchester Siti" mehmonda "Vest Bromvich"ni yirik hisobda mag'lub etdi (4:0) va turnir jadvalida birinchi o'rinni saqlab qoldi.

"SHaharliklar"ning raqobatchisi "Liverpul" 10-turda "Kristal Pelas" darvozasiga 4 ta gol urdi. Londonliklar ham qizillarning goliga jim qarab turmadi va ikki marotaba javob berishga muvaffaq bo'ldi.

Kumanning "Evertoni" ochko to'plashda davom etmoqda. Bu safar ular "Vest Xem"ni taslim etishdi (2:0).

"CHelsi" yakshanba kuni "Sautgempton"ga qarshi o'ynadi va Azar va Diego Kostaning goli tufayli 3 ochkoga ega bo'ldi.

Tur "Stok Siti" hamda "Suonsi Siti" o'yini (3:1) bilan yakunlandi. Mark Xyuz shogirdlari Mouson va Bonining gollari tufayli bu bahsda 3 ochko ishlab olishdi.

"XURSANDLIK MFK" jamoasi 98 ochko bilan turning eng yaxshisiga aylandi. Bunda Tom Xiton va Serxio Agueroning xissasi katta.

"iPro" ligasida "Arteam" jamoasi 218 ochko bilan etakchilik qilmoqda. Keyingi o'rinlarni "ANDIJON 3125" (217 ochko) va "Jeng Jeng Jeng" (199 ochko) egallab turibdi.

Turning eng yaxshi futbolchilari:

1. Ilkay Gündogan (MCI) 16 points

2. Sergio Agüero (MCI) 13 points

3. James McArthur (CRY) 12 points

4. Eden Hazard (CHE) 11 points

5. Tom Heaton (BRN) 10 points

Super-sardor sifatida eng tanlangan o'yinchilar:

1. Alexis Sánchez

2. Philippe Coutinho

3. Romelu Lukaku

4. Diego Costa

5. Zlatan Ibrahimovic