Elyorjon Akbarov: Nasafga qarshi uchrashuvda o'yinim qovushmaganidan xijolatdaman

- Qarshida o'yin qiyin o'tishini oldindan bilardik, - deydi Elyorjon Akbarov. - Avvalgi turda Buxoro jamoasi bilan o'z maydonimizda kechgan bahsda muhim ochkolarni boy berganimiz tufayli bu gal barcha etiborimizni safardan ijobiy natija bilan qaytishga qaratgandik. Jamoamiz murabbiylari ilk marotaba chempionat uchrashuvida meni boshlang'ich tarkibga kiritishganidan juda xursand bo'ldim. Afsuski, unda o'z darvozamizdan tezkor gol o'tkazib yuborganimiz ruhiyatimizga salbiy tasir qildi. Vaziyat o'nglanmasdan o'yinni ikkinchi marotaba maydon markazidan boshlaganimiz ahvolimizni qiyinlashtirdi.

Ushbu o'yinda muxlislarimizni, ayniqsa, murabbiylarimiz ishonchini oqlay olmaganimdan xijolatdaman. Futbolda g'alaba va mag'lubiyat yonma-yon deb bekorga aytishmagan. O'z ustimda ko'proq ishlab, keyingi uchrashuvlarda Qizilqumning muvaffaqiyat qozonishi uchun bor kuch va mahoratimni ishga solaman.

Qizilqum PFK Matbuot xizmati.