Eldor SHomurodov bitta o'yin uchun qancha mukofot puli oladi?

Unga ko'ra, g'alaba uchun eng ko'p mukofot puli beradigan klub - "Zenit" ekan. Sankt-Peterburg klubi futbolchilari har bir g'alaba uchun 9 ming evro (92 664 000 so'm) to'laydi. Qaydnomaga kiritilib, ammo maydonga tushmagan futbolchi esa 4,5 ming evro (46 332 000 so'm) ishlab oladi. Boshqa hech qaysi klub zaxiradagi futbolchiga mukofot puli ajratmaydi. Kuchli va ashaddiy raqiblarga qarshi bahslarda mukofot puli ikki baravar oshirilar ekan.

"Spartak"da esa biroz kamroq to'lashadi. G'alaba uchun 5 ming evro (51 480 000 so'm). Mavsum oxirida klub kuchli uchlikka kirsa, yigitlarni yaxshigina daromad kutib turgan bo'ladi. Masalan, "qizil-oqlar" Rossiya chempioniga aylanishsa, mukofot pulining 20 baravari miqdorida (100 ming evro= 1 029 000 000 so'm) futbolchilar hisobiga pul o'tkazib beriladi. Kumush uchun 75 ming (772 200 000 so'm), bronzaga esa 50 ming evro (514 800 000 so'm) to'lanadi.

Hamyurtimiz to'p tepadigan "Rostov"da g'alaba uchun mukofot puli 500 ming rubl (deyarli 7 ming evro=70 000 000 so'm)ni tashkil qilar ekan. Top klubga qarshi durang uchun futbolchilar hisobiga 250 ming rubl (35 000 000 so'm)dan pul o'tkazib berishadi.

Rossiya Premer-ligasi klublari g'alaba uchun bir futbolchiga to'laydigan mablag' (ming rubl)

Xavi Grasiya davrida "Rubin" futbolchilari juda katta mukofot puli olishgan ekan. Malumotlarga ko'ra, to'lanadigan mablag' uch turga bo'lingan:

- "Oltin" - "Zenit", CSKA, "Spartak", "Lokomotiv", "Krasnodar" yoki "Rostov" ustidan qozonilgan g'alaba uchun har bir futbolchiga 20 ming dollardan to'langan.

- "Kumush" - "Axmat", "Ural", "Amkar" va "Krilya Sovetov" mag'lub etilsa 15 ming dollar, durang uchun 7,5 ming dollar o'yinchilar hisobiga o'tkazib berilgan.

- "Bronza" - "Ufa", "Anji", "Orenburg", "Tom", "Arsenal" taslim etilsa, 10 ming, durang uchun 5 ming dollar to'langan.

"Krasnodar", CSKA va "Dinamo" ham mukofot puli berishadi, faqat mavsum oxirida

RPLda mavsum oxirida qo'lga kiritilgan o'rin uchun pul beradigan klublar soni oshib bormoqda. 

"Krasnodar" CHempionlar ligasida o'ynash imkoniyatini qo'lga kiritsa, har bir futbolchi hisobiga 1,5 mln. rubldan o'tkazib beriladi. Mukofot puli kam deysizmi? "Krasnodar" rahbarlari mukofot pulidan ko'ra, katta maosh to'lashni maqul ko'rishadi.

CSKA faqat kuchli uchlikka kirganda futbolchilarga mukofot puli beradi. Ammo hozircha to'lov borasida muammolar bor: 2015/16 mavsumdagi chempionlik uchun hali ham to'lov bo'lmagan, bazi futbolchilar xatto faoliyatini yakunlashga ulgurishdi.

"Dinamo"ning tizimi o'zgacha. Evrokuboklarning biridan joy olish uchun futbolchilar oladigan yillik maoshning yarmi to'lab beriladi.