Ektor Kuper navbatdagi yig'inda yangilangan tarkibni sinovdan o'tkazadi

Ektor Kuper mazkur o'yinlar uchun tashkil qilinadigan yig'inga O'zbekiston yoshlar terma jamoasida o'ynagan va Superligada o'zini yaxshi taraflama ko'rsatayotgan yangi nomzodlarni sinab ko'rishi kutilmoqda.

Eslatib o'tamiz, Kuper qo'l ostida terma jamoamiz dastlabki yig'inini 22 avgust - 11 sentyabrga qadar Toshkentda o'tkazgandi. O'sha yig'in doirasida terma jamoamiz avvaliga Suriyaga (1:1) qarshi, keyinchalik Eron (0:1) bilan o'rtoqlik uchrashuvlari o'tkazdi.

Kuper qo'l ostidagi terma jamoamiz ikkinchi yig'inga katta ehtimol 3-4 oktyabr kunlaridan boshlab kirishadi.

Ektor Kuper dastlabki yig'inga tajribali va oxirgi yillarda terma jamoamizdan muqim taklif olgan futbolchilarni tekshiruvdan o'tkazdi. Endilikda Kuper ko'proq yoshlarni, terma jamoadan hali chorlov olmagan futbolchilarni sinab ko'rishi mumkin.

Noyabrda esa Kuper har ikkala yig'inda o'zini ko'rsatgan va sinovdan muvaffaqiyatli o'tgan futbolchilar, yani optimal tarkib bilan yig'inga kirishishi mumkin.