ECHL. "Barselona" - "Atletiko" to'qnashuvi

ECHL chorak final yana bir qiziqarli to'qnashuvi bu "Barselona" - "Atletiko" o'rtasida kechadi.

Diego Simeone shogirdlari bu safar ECHL yarim finali chiptasi uchun Xerardo Martino jamoasi bilan bellashishadi. Bu uchrashuvda nom jihatidan "Barselona" kuchliroq ko'rinishi mumkin, ammo "Atletiko" ushbu mavsumda Ispaniyada hozircha tengsiz bo'lib turibdi. "Barselona" jamoasi ushbu mavsumda halicha "Atletiko" qarshiligini enga olganicha yo'q. Bu o'yinda Kataloniya klubi "Atletiko"ni mag'lub etish choralarini ishga solib ko'rishi aniq. Ayni paytda har ikkala jamoa ham o'zining eng yaxshi sport formalaridalar. "Barselona" mavsum so'nggiga kelib o'z o'yinini yanada shakllantira oldi. Xerardo Martino "Barselona"ni sekin-asta o'zi istagan darajaga olib chiqmoqda. Mavsum avvalidagi o'yindagi tushunmovchiliklar va kamchiliklar bartaraf etilmoqda.  "Barselona" ayni paytda o'z zyinini topib olgan. Bugun ular "Atletiko"ni taslim eta olishadimi? Bu savolga o'yindan so'ng javob olamiz.

"Atletiko" jamoasi hozirda Ispaniya chempionatida yakka peshqadamlik qilishmoqda. Ayni paytda ular o'zlarining eng yaxshi ko'rsatkichlarini namoyish etishmoqda. Ushbu mavsum Diego Simeone jamoasi uchun juda ko'ngildagidek o'tmoqda desak mubolag'a bo'lmaydi. Ularning ishlari "5"! Ispaniya chempionati chempionlikka juda yaqin turishibdi. Ishtaha ovqat paytida keladi deganlaridek, "Atletiko" jamoasi ECHL musoboqasida ham "syurpriz" ko'rsata oladigan jamoa sanaladi.

Ushbu o'yin oldidan favorit yoki autsayder jamoa haqida gapirilmagani maqul.

Ajoyib futbol bahsi muxlislarni kutib turibdi. CHiroyli va shiddatli futbol bo'lishiga shubha yo'q.