Donnarumma: “Navas? PSJga birinchi bo'lish uchun kelganman”

“PSJda qolaman va CHempionlar ligasida g'olib bo'lish uchun kurashaman. Bu yil men uchun moslashish davri bo'ldi, ammo mavsumdan ko'nglim juda to'ldi. ECHLdagi omadsizlik muxlislarimiz hafsalasini pir qilgani achinarli, lekin bunga erishishga harakat qilamiz. Navas bilan raqobat? Bu erga birinchi bo'lish uchun kelganman. Aytganimdek, men uchun bu yil adaptaciya davri bo'ldi, til hamda odatlarga moslashish oson bo'lmadi. Navas bilan yaxshi munosabatdaman, ammo, u ham aytganidek, bu raqobatda ustun kelish oson bo'lmaydi”, deydi italiyalik.

Eslatib o'tamiz, Donnarumma joriy mavsum Franciya chempionati va ECHLda 20 o'yinda qatnashdi, Keylor Navas esa mazkur musobaqalarda 22 uchrashuvda darvozani qo'riqladi.