Doniyor Ismoilov: "Turon"ning yosh jamoa sifatida yuqori o'rinlarda yurishi katta yutuq"

 Ushbu uchrashuvdan so'ng o'z dubli bilan jamoasining g'alabasiga hissa qo'shgan Doniyor Ismoilovning fikrlari bilan qiziqdik.

-  Dastlab "Dinamo" bilan kechgan o'yinda haqida fikrlaringiz bilan o'rtoqlashsangiz. O'yin davomida ikkita ajoyib gol urdingiz va jamoangizning g'alabasiga munosib ulush qo'shdingiz...

- Avvalo muxlislarga khavo sovuq bo'lishiga qaramasdan kelib qo'llab-quvvatlab turishgani uchun katta rahmat aytmoqchiman. "Dinamo" bilan o'yinlar har doim qiziqarli kechgan. Menimcha biz g'alabani raqibdan ko'proq xohladik. Gollarimga kelsak bunda butun jamoaning hissasi bor. Golda faqat men harakat qilmadim, jamoadoshlarimga rahmat aytib qolaman.

- Safarda bu jamoa bilan bahsda "Turon" biroz qiynalgan edi. Kecha esa aksincha erkin va xotirjam to'p tepdi...

- Safarda hech bir jamoaga oson bo'lmaydi. Kecha esa uyda, muxlislarimiz ko'z oldida harakat qildik. Avvalgi uchrashuvda mag'lub bo'lganimiz tufayli bu safar g'alaba qozonishimiz zarur edi. Klub rahbarlarini, muxlislarni xursand qila oldik.

- Umuman yosh jamoa sifatida shakllanib borayotgani "Turon"ning Pro ligadagi ishtirokini qanday baholaysiz?

- Jamoamiz Pro ligada yaxshi ishtirok etmoqda. "Turon"ning yosh jamoa sifatida yuqori o'rinlarda yurishi katta yutuq. Xudo xohlasa omadimiz kelsa Superligada o'ynaymiz. Buni butun jamoa xohlamoqda.