Diyor Turopov: "Albaniya bilan oddiy uchrashuv bo'lmadi"

2:0 hisobida O'zbekiston jamoasi g'alabasi bilan yakunlangan uchrashuvdan so'ng termamiz vakili Diyor Turopov "CA" saytiga fikrlarini bildirib o'tdi.

"Ushbu bahs oddiy nazorat uchrashuvidek bo'ldi deb ayta olmayman. Aynan mana shu O'zbekiston U-22 jamoasi shakllanmoqda. Biz ham o'z xatolarimizni ko'rdik. Har ikki jamoa bor kuchi bilan o'yin ko'rsatdi va keskin bo'ldi.

Albaniya Evropa jamoasi va bu raqibni kuchsiz deb bo'lmaydi. Ularni barcha futbolchilari jismoniy baquvvat ekan. Raqibimizning barcha hujumlari yuqoridan bo'ldi va bosh bilan o'ynashga harakat qildi. Birinchi bo'limda ko'plab imkoniyatlardan foydalana olmagan bo'lsak ham kuchli o'yin ko'rsatdik. Ikkinchi bo'lim asosan maydon markazida kechdi va har ikki tomondan bir xil imkoniyatlar bo'ldi. Kiritilgan ikkinchi gol esa o'yin taqdirini hal etdi.

Tayyorgarlikni yuqori darajaga olib chiqish uchun kuniga bir mahaldan mashg'ulotlar olib bormoqdamiz. Keyingi ikki uchrashuvda ham chiroyli o'yin ko'rsatib , o'z imkoniyatlarimizni bilib olamiz" , - deydi Diyor Turopov