"Dinamo Zagreb" murabbiyi Damir Krznar: "Bunyodkor" yosh futbolchilar fabrikasi ekanligi shubha qoldirmadi. Menga yoqqan futbolchi bu..."

"Dinamo Zagreb 2" jamoasi raqiblik qilgan o'yinda hamyurtlarimiz 1:2 hisobida engilishdi. Birinchi bo'limda Abdulloh Omonalievning ajoyib va chiroyli goli bilan hisobni ochgan yosh "qaldirg'ochlar" tanaffusga 1:0 hisobidagi g'alaba bilan yo'l olishdi. Ikkinchi bo'lim boshlarida bir necha daqiqaga diqqatni yo'qotilishi raqiblarga qo'l keldi. Mazkur uchrashuvdan so'ng zagrebliklar ustozi Damir Krznar fikrlari bilan o'rtoqlashdi. 

"Bunyodkor" asosiy jamoasi "Isloch"ni mag'lubiyatga uchratdi, klub o'rinbosarlari esa "Dinamo" Zagrebga yutqazishdi

- Janob murabbiy sizlarni g'alaba bilan tabriklayman. "Bunyodkor" jamoasiga qarshi o'yin haqida fikrlaringiz?

- Avvalo "Bunyodkor" jamoasini ajoyib o'yin bilan tabriklayman. Bugun imkoniyatlarga boy uchrashuv bo'ldi, ammo havo juda issiqligi o'z tasirini o'tkazmay qolmadi. Ikki jamoa futbolchilari ko'p yugurishdi, shunga qaramay yaxshi futbol ko'rsatishdi, deb o'ylayman. Raqib jamoa birinchi bo'limda bizdan yaxshiroq ko'rindi. CHunki ular birinchi bo'lib gol urishdi va juda yuqori pressing qilishganini ko'rdik. Ikkinchi bo'limda biz bazi o'zgarishlar qilib o'yinni o'z tomonimizga og'dirdik, deb o'ylayman. 

- Birinchi bo'lim ikkinchi bo'limga qaraganda nimasi bilan farq qildi?

- Bizda 20  nafar yaxshi darajadagi futbolchilar bor. Raqib jamoasida asosiy tarkib va zaxira o'yinchilari orasida katta farq bor. Biz buni payqadik va  unumli foydalandik.

- "Bunyodkor" jamoasining o'yin uslubi haqida nima deya olasiz?

- Menga juda manzur keldi. Ular hujumkor va pozicion futbol ko'rsatishar ekan. "Bunyodkor" yosh futbolchilar fabrikasi ekanligi shubha qoldirmadi. Boisi yoshlarga ko'p imkoniyat beriladi. SHu orqali tajribaga to'plashadi. "Bunyodkor" sizning yurtingizda etakchi jamoalardan va sizlar to'g'ri yuldasizlar.

- Raqib safidagi  eng yaxshi futbolchi kim bo'ldi, deb o'ylaysiz?

- Jamoangizda yaxshi futbolchilar ko'p. Ammo menga ko'proq jamoa sardori himoyachi (Xurshid Ubaydullaev) yoqdi. U himoyachi bo'lsa ham hujumda yaxshi o'ynar ekan. Paslar juda sifatli. Raqib yarim himoyasini yorib o'ta olishi qobiliyati yomon emas. 

- 2017 yil "Al Ayn" bilan Zoran Mamich murabbiylar shtabida tashrif buyurgan edingiz...

- "Bunyodkor" haqida bilaman. Ha, o'sha bahsda Otabek SHukurov yaxshi taassurot qoldirgandi. U so'nggi yillarni "SHarja"da o'tkazdi. Biz yakunda 3:2 hisobida g'alaba qozonganmiz. Zoran Mamich bilan "Al Ayn", "Al Nasr", "Al Hilol"da birga ishladik. 

Abdulaziz Iskandarov