Dilyaver Vaniev: "Agapov qisqa fursat ichida chempionat to'purlari ro'yxatidan o'rin oldi"

- O'yin haqida 

- Bugungi o'yinda juda ko'plab vaziyatlar yaratdik. SHunday ekan, nega mag'lubiyat yoki durang haqida o'ylashimiz kerak? Golli vaziyatlarni ko'proq yuzaga keltirdikmi, demak g'alabaga haqli edik. O'yinning yakuni ham biz istagandek jamoamizning g'alabasi bilan yakunlandi. 

Bugungi o'yin har ikki jamoa uchun juda og'ir o'tdi. Garchi o'yin oxirida gol kiritib g'alabaga erishgan bo'lsak ham maydonda haqiqiy kurash kechdi. Muhim g'alabani qo'lga kiritdik va olg'a intilishda davom etamiz.

- "Mashal" darvozasiga belgilangan penalti haqida fikringiz qanday?

- Hakam o'sha vaziyatda penalti belgiladimi, demak shunga yarasha asosi bo'lgan. Men hakamlarning xatolarini muhokama qilmoqchi emasman.

- Mikola Agapov ikki o'yindan buyon gol ura olmayapti. Bunga nima sabab bo'lgan deb o'ylaysiz?

- Agapov o'tgan turda "SHo'rtan" darvozasiga penaltidan gol ura olmadi. Biz undagi xolatni o'rganib chiqib ruhiy mummosi bor ekanini sezdik. Uning yurtida ayni vaqtda tinchlik emas, FIFA transferlarga ruxsat bergani tufayli Agapov hozir shu erda. Bunaqa vaziyatdan uydan uzoqda yurish oson emas, unga og'ir ekanini barchamiz tushunib turibmiz. SHunday bo'lsa ham u professionallik namoyish etayapti, qisqa fursat ichida chempionat to'purarlari qatoridan o'rin oldi.