Defo Keynga maslahat berdi

“Agar menga bir necha yil oldin bu savol berganingizda, u “Tottenxem”da qolishi kerak, deb javob berardim, chunki u klub afsonasi hisoblanadi.

Men esa klubdan ketib, “Reynjers”ga o'tganimdan so'ng, boshqacha mentalitetni ko'rdim, boshqa yirik klubda o'ynadim, yangi standartlar va talablarga duch keldim.

G'alaba qozonishingiz va sovrinlarni qo'lga kiritishingiz kerak, qolganlari esa etarli emas. Bunga nihoyat erishganingizda esa tariflab bo'lmas hissiyotlarga ega bo'lasiz. SHunchaki, vau! Bunga faoliyatim boshida erishishni istardim.

Agar Xarri Keyn ham buni xohlasa, sovrinlarni yutmoqchi bo'lsa, u ketishiga to'g'ri keladi. Fikrimcha, buni qilish unga oson bo'lmaydi, ehtimol u klub tarixidagi eng yaxshi to'purarga aylanib, keyin nima bo'lishini ko'rmoqchidir.

Umid qilamanki, u bir nechta titullarni qo'lga kiritishi mumkin, ammo agar haqiqatan medallarga chanqoq bo'lsa, u ketishi lozim”, deydi Defo.