Davron Fayziev: “So'g'diyona” yirik mag'lubiyatga loyiq emas edi"

"Barcha xotin-qizlarni bayram bilan tabriklayman. O'yin qiziqarli bo'ldi. "Lokomotiv" osonlik bilan g'alaba qozonmoqchi ekanligi ko'rinib turgandi, biz bahsga jiddiy tayyorgarlik ko'rdik. Bugun jamoam yirik hisobdagi mag'lubiyatga loyiq emasdi. Birinchi goldan keyin yigitlarda ruhiy sinish kuzatildi. Mavsumni vice-chempion va chempionga qarshi o'tkazish og'ir albatta. Endi o'z maydonimizdagi ochilish o'yiniga tayyorgarlik ko'rishimiz kerak.

Penalti? Hakam hushtak chaldimi demak penalti bor ekan. Hakam hech qachon qarorini o'zgartirmaydi.

Bu yilgi vazifamiz o'tgan mavsumdagi natijamizdan yuqori o'rinni olish. Yani eng kamida 10-o'rinni egallash. O'tgan yilgi tarkibdan 3 kishi qoldi, deyarli yangi jamoa tuzdik. Keyingi turlarda "Olmaliq" va "Nasaf" bilan o'ynaymiz. Almashtirib bo'lmaydigan futbolchi yo'q, ularni o'rnini to'ldira olamiz. Faqat vaqt kerak bo'ladi.

Bugun odamni xursand qilgan jihat bu yigitlarimda o'yindan oldin taslim bo'lish holati yuz bermadi.

Nega jamoa futbolchilar bilan 2-3 yillik shartnoma taklif qilmaydi? Futbolchilarga 2 yillik shartnoma taklif qilsam ularda ishonch yo'q. Bazida xatto futbolchilar 6 oyga shartnoma tuzaylik deydi. Qaysidir o'yinchini chaqirsam birinchi savoli qancha pul berasiz deydi. O'sishni o'ylamaydi faqat pulni o'ylaydi, - deydi Fayziev.