Davron Fayziev: Rostini aytsam bugun tarkib tanlashda ancha o'ylanib qoldim

- Bugungi kunga etkazgan Olloxga shukr aytaman. Bu kunni anchadan beri orziqib, juda uzoq kutayotgandim. Bir jamoa bilan uch marta o'ynab uch marta g'alaba qozonish juda qiyin vazifa edi. Men buni shogirdlarimga o'yindan oldin uqtirgan edim. Hozir echinish xonasida yigitlarga rahmat aytdim. Ular bugun ohirigacha kurash olib borishdi.

- 200-g'alaba ostonasida turganimizni bilardim. Yigitlarga ham jiddiy ravishda tushuntirgandim. O'yin davomida fikrni faqat o'yinga qaratib, maydonda ,quloqni yopib olib gap so'zlarga etibor qilmay harakat qilinglar deb. Ming shukrlar bo'lsinki, bugun omad biz tomonda bo'ldi.

- O'yinda hisob juda yirik ko'rinish ham olishi mumkin edi, agar yigitlar yaratilgan vaziyatlarni ko'kka sovurmaganlarida…

-Ikkinchi davrada imkoniyatimizdan kelib chiqqan holda tarkibimizni kuchaytirishga harakat qilamiz.

- Yoshlarga ko'proq imkoniyat berishga harakat qilayapman. O'tgan o'yinlarda Nodir Ibragimov, Sanjar Rihsiboev, Dilmurod Ikromovlar yomon taasurot qoldirishmagandi. Rostini aytsam bugun tarkib tanlashda ancha o'ylanib qoldim. Qo'qon-1912″ bilan bo'lib o'tgan ikkita va Olmaliq bilan o'yinlarda yigitlar maydonda bor kuchlari bilan harakat qilishgandi.

- Biz har bir o'yinga ohirgi o'yindek jangovor ruhda chiqayapmiz. Hozircha jamoani shu ruhda ushlab turibmiz. Agar hozir biron joyda ozroq emirilish ketsa, barcha rejalarimiz buziladi.

- Keyingi o'yinlarda ham maydonga faqat g'alaba uchun maydonga tushamiz. Bunyodkor uchrashadigan bo'ldik. Bu safar kubok o'yinida. Ungacha esa bor etiborimizni Buxoro bilan bo'ladigan uchrashuvga qaratamiz.