Davron Fayziev: Oliy ligaga qaytish uchun bor kuchimiz bilan harakat qilamiz

- Bugun ancha qiziqarli uchrashuv bo'lib o'tdi. Futbolchilar maydonning har bir erida so'nggi daqiqalargacha kurash olib borishdi. Bir necha golli vaziyatlar bo'ldi. Biroq hujumchilarimizda tajriba etishmadi. Mavsumni g'alaba bilan yakunlaganimizdan xursandman.

- Afsus jamoamiz oliy ligani tark etdi. Menimcha biz bunga loyiq emasdik. Mavsum davomida o'z uyimizda yo'qotilgan qimmatli ochkolar mavsum so'nggida o'z so'zini aytdi. O'sha Buxoro, Mashal, Dinamo, Olmaliq jamoalariga qarshi kechgan Zomindagi o'yinlarda kerakli natijalarga erishganimizda ahvolimiz hozirgidek bo'lmasdi. Hamma aybni o'z bo'ynimga olaman. Mehmondagi o'tkazgan o'yinlarimizni kuzatgan muxlislar, mutahassislar menimcha So'g'diyona haqida salbiy fikrda bo'lmasalar kerak.

- Jamoani o'zagini saqlab qolgan holda ishlashda davom etamiz. Bu futbol. Hayot davom etadi. Biz albatta oliy ligaga qaytish uchun bor kuchimiz bilan harakat qilamiz. Ortga esa yo'l yo'q. Yana bir achinarli tomoni: Yangi stadionni birinchi ligada qarshi olishimiz. Menimcha buni ham hech kim xohlamagandi.