Daniel Alves: “Jahon chempionatidagi ilk o'yin final kabi muhim”

“Ispaniya terma jamoasi chempionlik kubogini himoya qiladi, demak ular mundial favoritidir. Bu jamoa menga yoqadi.

Germaniya ham o'ziga xos jamoa, ularda yaxshi o'yinchilar ko'p. Argentinaning hujumi zo'r. Braziliya ham favoritlar safida, chunki biz o'z uyimizda o'ynaymiz.

Jahon chempionatidagi ilk o'yin qiyin va juda muhim. Agar yaxshi start olsak, raqiblarimiz shu o'yinni tomosha qilishadi. Bu o'yin final bilan tenglasha oladigan bahs hisoblanadi.
Agar menga final uchun ikki jamoa tanlash imkoniyati berilsa, men Braziliya va Argentinani tanlagan bo'lardim. Bu uchrashuv chiroyli tarixiy final bo'lar edi. Azaliy raqiblarimiz ustidan qozoniladigan g'alabaning tami o'zgacha”, - deydi Alves.