CSKA legioner futbolchisini O'zbekistonga yubordi

Rossiyaning CSKA klub eronlik himoyachi Amirhusayn Rivandi bilan 2026 yilning yoziga qadar shartnoma imzoladi.

SHu bilan birga, 20 yoshli futbolchi o'yin amaliyotini o'tash uchun "Buxoro"ga ijaraga beriladi.

O'zbekiston Pro ligasi klubi bilan shartnoma sotib olish huquqisiz yil oxirigacha amal qiladi.

Bosh direktorning sport masalalari bo'yicha o'rinbosari Evgeniy SHevelev mazkur qaror haqda shunday dedi: "Amir klub murabbiylar shtabi va sport rahbariyatida yaxshi taassurot qoldirgani uchun iqtidorli futbolchi bilan shartnoma imzolashga qaror qilindi. Ammo kerakli o'yin amaliyotiga ega bo'lish va yanada rivojlantirish maqsadida Amir yil oxirigacha O'zbekistonga ijaraga beriladi. SHu bilan birga, futbolchi qishki o'quv-mashg'ulot yig'inlarini CSKAdagi jamoadoshlari bilan birga o'tkazishi rejalashtirilgan".

Moskvaliklar safiga tez orada O'zbekiston olimpiya terma jamoasi yarim himoyachisi Abbos Fayzullaev qo'shiladi va navbatdagi o'yinga tayyorgarlikni boshlaydi.