Ciyavash Haqnazariy - "Navbahor" o'yinchisi!
31 dek 2023 22:20
Yangiliklar

Ciyavash Haqnazariy - "Navbahor" o'yinchisi!

O'tgan mavsumni OKMKda o'tkazgan eronlik yarim himoyachi Siyavash Haqnazariy "Navbahor" safiga o'tdi.

"Eronlik tajribali yarim himoyachi Siyavash Haqnazariy “Navbahor” bilan shartnoma imzoladi.

Haqnazari 1995 yil, 3 avgustda Eron poytaxti Tehron shahrida tug'ilgan. Futbolchilik faoliyati davomida Eronning "Persepolis" (Tehron, 2012-2014 yillar), "Malavan" (Enzeli, 2015-2017 yillar), AQSHning "OKSK akademiya" (2014-2015 yillar), "OK Blues" (2015 yil), Ukrainaning "Skala" (2017 yil), "Volin" (Luck, 2018-2021 yillar), va O'zbekistonning OKMK (Olmaliq, 2022-2023 yillar) jamoalarida o'ynagan.

SHuningdek, Eronning U-15, U-17, U-20 terma jamoalarida ham to'p tepgan.

Eronlik futbolchi yakunlangan mavsumda olmaliqliklar tarkibida barcha musobaqalarda 34 ta o'yinda maydonga tushib, 7 ta gol urgan holda, 5 ta golga assistentlik qildi.

Biz Siyavash Haqnazariyga "Navbahor"dagi faoliyatida omad yor bo'lib, chiroyli o'yinlari hamda gollari bilan "lochinlar"ning g'alabalariga munosib hissasini qo'shishiga tilakdoshmiz", — deyiladi klub xabarida.