CHerchesov Anton Valdemar haqida gapirdi
14 sen 2018 17:55
Yangiliklar
CHerchesov Anton Valdemar haqida gapirdi
Rossiya terma jamoasi bosh murabbiyi Stanislav CHerchesovning so'zlariga ko'ra, agar "Gannover" himoyachisi Rossiya pasportini olsa, murabbiylar shtabi uni milliy jamoaga nomzod sifatida ko'rib chiqishga tayyor.
"Gilerme o'zi pasport olgan, Raushda ham Rossiya pasporti bor, Noyshtedter - rossiyalik. Hech kimdan pasport olishni so'ramaymiz. Valdemar bilan suhbatlashganmiz, biroq unda Rossiya pasporti yo'q - meni adashtirishdi.
Har bir kishi qarorni o'zi qabul qiladi, biz hech kimni majburlamaymiz. Hozir Anton biz uchun o'ynay olmaydi. Agar u o'zi istab pasport olsa va terma jamoamizda o'ynashni xohlasa uni milliy jamoaga nomzodlar safiga qo'shamiz" - deydi CHerchesov.
22 yoshli futbolchi O'zbekistonda, Toshkent viloyatining Olmaliq shahrida dunyoga kelgan. Anton 2015/16 mavsumda "Gannover" safida debyut qilgan va ayni damda Bundesligadagi eng yosh jamoa sardori hisoblanadi.
Fikrlar