"CHelsi" Gavi bilan uchrashuv o'tkazdi

AS nashri xabariga ko'ra, "nafaqaxo'rlar" futbolchining o'zi bilan o'tish masalasini muhokama qilishgan. Manbaga ko'ra, uchrashuv ancha muvaffaqiyatli o'tgan.

Eslatib o'tamiz, avvalroq "Barselona" Gavi bilan yangi shartnomani rasmiylashtira olmagani futbolchining "Kamp Nou"dagi kelajagini xavf ostiga qo'ygandi. "CHelsi" yarim himoyachiga anchadan beri ko'z tikib kelmoqda, biroq uning Kataloniya jamoasi bilan bitimni uzaytirishi "ko'klar"ni kelishuvdan qaytishga majbur qildi.

Gavi joriy mavsum Ispaniya chempionatida 1 ta to'p kiritdi hamda 3 ta golli uzatmani amalga oshirdi. 18 yoshli yarim himoyachi "Golden Boy" mukofotining amaldagi sohibi hisoblanadi.