Camvel Babayan: "Juda yaxshi o'yin namoyish etdik"

Samvel BABAYAN (“Paxtakor” menejeri): - Bugungi o'yin biz uchun katta ahamiyatga ega edi. CHunki g'alabaga erishsak, birinchi o'ringa ko'tarilib olardik. Buni yigitlar yaxshi his qilishdi va uchrashuvga har tomonlama jiddiy tayyorgarlik ko'rishdi. Mezbonlar ham dastlab yaxshi o'yin namoyish etishdi. Hisobni ochganimizdan keyin yigitlarning ishonchi yanada ortdi va bellashuvni yirik hisobdagi muvaffaqiyat bilan tugatdik. Jamoa namoyish etgan o'yindan ko'nglim to'ldi. Barcha futbolchilar hamjihat o'yin ko'rsatib, bir-birlarining xatolarini to'ldira olishdi. Eng muhimi, jadvalda birinchi o'ringa ko'tarildik. Bu yog'iga ham ham bir uchrashuvni shunday o'tkazishga intilamiz. Maqsadimiz chempionlik bilan ishqibozlarga xursandchilik ulashish. Bizni bugun ko'p sonli muxlislarimiz qo'llab turishdi. Ularni yanada xursand qilish uchun bor kuchimizni ishga solamiz.