"CA" yilning eng yaxshi murabbiyi va futbolchisini aniqladi

Ovoz berish natijalariga ko'ra, Qarshining "Nasaf" jamoasi bosh murabbiyi Ro'ziqul Berdiev jami 16 ochko to'plagan holda Oliy ligada "Yilning eng yaxshi murabbiyi" nomiga sazovor bo'ldi.

CHempion va kubok g'olibi bo'lgan "Lokomotiv" jamoasi katta murabbiyi Mirko Yelichich esa 15 ochko bilan 2-o'rinni band etdi.

Mavsum o'rtasida "qaldirg'ochlar"ni qabul qilib olgan Mirjalol Qosimov esa chempionat yakuniga qadar "Bunyodkor"ni 13-o'rindan 4-pog'onaga qadar ko'tardi va 14 ochko bilan "kuchli uchtalik"ga kirdi.

O'tgan yili mavsumni 15-o'rinda tugatgan "Navbahor"ni joriy mavsumda 5-o'ringa chiqargan Ilhom Mo'minjonov ovoz berish natijasiga ko'ra 5 ochko to'pladi va to'rtinchi pog'onani egalladi.

"Paxtakor" bosh murabbiyi SHota Arveladze 4 ochko jamg'ardi. "Buxoro" bosh murabbiyi Ulug'bek Baqoev esa 2 ochko to'pladi,  "Paxtakor"da bir muddat bosh murabbiy bo'lib ishlagan Jasur Abduraimov esa 3 ochko ishladi.  "Olmaliq" ustozi Viktor Kumikov esa 1 ochko jamg'ardi.

"CA" talqini bo'yicha Oliy liga-2017 eng yaxshi murabbiyi - Ro'ziqul Berdiev 

Oliy liga-2017. Eng yaxshi murabbiylar:

1. Ro'ziqul Berdiev ("Nasaf")

2. Mirko Yelichich ("Lokomotiv")

3. Mirjalol Qosimov ("Bunyodkor")

Kim kimga ovoz berdi?

Oliy liganing joriy mavsumdagi eng yaxshi futbolchisi esa "Lokomotiv" hujumchisi, chempionat to'purari - Marat Bikmaev bo'ldi. Ovoz berish natijalariga ko'ra, Marat Bikmaev 26 ochko to'plagan holda katta tafovut bilan o'z raqobatchilarini ortda qoldirdi va haqli ravishda yilning eng yaxshi futbolchisiga aylandi.

"Nasaf"ning chernogoriyalik legioneri Dragan CHeran esa 14 ochko to'plagan holda ikkinchi pog'onani band etdi.

"Lokomotiv" darvozaboni Ignatiy Nesterov esa 6 ochko bilan "kuchli uchlik"ni yakunlab berdi.

"CA" talqini bo'yicha Oliy liga-2017 eng yaxshi futbolchisi - Marat Bikmaev

Oliy liga-2017. Eng yaxshi futbolchilari: 

1. Marat Bikmaev ("Lokomotiv")

2. Dragan CHeran ("Nasaf")

3. Ignatiy Nesterov ("Lokomotiv")

Kim kimga ovoz berdi?