CA TV: Bahodir Nasimov: “O'ylashimcha, biz BAA termasidan kuchliroqmiz”

Ozarbayjonning “Neftchi” klubida faoliyatini davom ettirayotgan Bahodir Nasimovning bu o'yindan umidi katta. Futbolchi bu haqda saytimizga ham aytib o'tdi.


-   Bahodir, o'yinga tayyorgarlik qanday ketyapti?
-   Hammasi reja asosida bo'lyapti. Tayyorgarlik ham, kayfiyat ham joyida. Nasib qilsa, muxlislarni xursand qilishga harakat qilamiz.
 
-   Malumki, har ikki jamoa ham Osiyo Kubogi masalasini ijobiy hal qilgan. Bir qarashda o'yinning ahamiyati unchalik yuqori emasdek. Bu borada siz qanday fikrdasiz?
-   Biz o'yin va raqib ajratmaymiz, barcha bellashuvlarga bir xilda tayyorgarlik ko'ramiz. Kim bilan to'p surishimizdan qatiy nazar, g'alaba g'ozonishga intilamiz. Navbatdagi bahs ham bundan mustasno emas. BAAga qarshi uchrashuvda g'olib bo'lish biz uchun juda muhim.

-   BAAni kuchli jamoa deb hisoblaysizmi?
-   To'g'ri, ular ham yomon emas, lekin o'ylashimcha, biz ulardan kuchliroqmiz.
 
-   Raqib safida kimni alohida ajratib ko'rsata olasiz?
-   BAA termasida kuchli futbolchilar ko'p, bir yoki ikki nafar emas. Lekin futbol jamoaviy o'yin bo'lgani uchun ular jamoa sifatida yaxshi shakllangan degan bo'lardim.

X.Xoliqov suhbatlashdi.