"Buxoro": Akkreditaciya jarayoni boshlandi

Uchrashuvlarni yoritib boradigan OAV ham mavsum startini intiqlik bilan kutishmoqda. Futbol bu mamlakatimizda birinchi raqamli sport turi sanaladi. Uning targ'ibot va tashviqotida ommaviy axborot vositalari va matbuot xodimlarining o'rni juda katta.

“Buxoro” jamoasining uy uchrashuvlarini ko'plab jurnalislar yoritib borishlariga o'rganib qolganmiz. “Buxoro” jamoasi yangi mavsumdan boshlab jurnalistlarga yanada qulayliklar yaratib berishni maqsad qilgan. Media tribunada jurnalistlar ishlashi uchun barcha sharoitlar yaratib berilmoqda.

Ommaviy axborot vositalari va matbuot xodimlarining o'yinlarni maxsus sektordan bepul tomosha qilishlari, jurnalistlar uchun yaratilgan barcha sharoitlardan to'laqonli foydalanishlari, uchrashuvlar yakunida uyushtiriladigan matbuot anjumanlarida bevosita ishtirok etishlari, shuningdek, TV operatorlari hamda fotomuxbirlarning stadionda faoliyat yuritishi imkonini beruvchi maxsus ruxsatnoma (beydjik)lar taqdim etiladi.

Buning uchun OAV o'zi ishlayotgan korxonadan “Buxoro” bosh direktori Alisher Hikmatovich Rustamov nomiga xat, 2 dona 3x4 hajmdagi fotosurat (elektron varianti tavsiya etiladi) va pasport nusxasini taqdim etishlari shart.

Xujjatlarni pfkbukhoro@mail.ru elektron pochtasiga yoki jamoaning xodimlar bo'limiga taqdim etishlaringiz mumkin bo'ladi.

Malumot uchun telefon:+99893 960-00-49

Hujjatlarni qabul qilish shu yilning 2 martiga qadar davom etadi.

P.S: Yangi mavsumdan etiboran media tribunaga kirish beydjiklari bo'lmagan har qanday shaxsga taqiqlanadi!