“Bunyodkor”da yoshlar va ayollar jamoalari taqdirlandi FOTO
13 jan 2018 16:56
Yangiliklar

“Bunyodkor”da yoshlar va ayollar jamoalari taqdirlandi FOTO

12 yanvar kuni Toshkentning “Bunyodkor” futbol klubida yoshlar va ayollar jamoalarining taqdirlash marosimi bo'lib o'tdi.

Xabaringiz bor, SHuhrat Maqsudov boshchiligidagi yosh “qaldirg'ochlar” 2017 yilgi O'zbekiston chempionati yoshlar birinchiligi bahslarini alo darajada o'tkazishib, yakunda g'oliblikni qo'lga kiritishgandi. SHuningdek, “Bunyodkor” ayollar jamoasi ham ortda qolgan mavsumni sovrindovlar qatorida yakunladilar. Elmira G'ulomova boshchiligidagi ayollarimiz chempionat-2017 yakuniga ko'ra, bronza medallariga ega chiqishgandi.

Bugun, “Bunyodkor” stadionida ushbu ikki jamoani taqdirlash marosimi bo'lib o'tdi. Unda O'zbekiston futbol federaciyasi bosh kotibi Sardor Rahmatullaev va “Bunyodkor” futbol klubi bosh direktori Murodjon Aliev ishtirok etdi.

- 2017 yilda yoshlar jamoamiz bizni juda xursand qildi. Ular mavsumni yaxshi saviyada o'tkazishib, qator g'alabalarga erishishdi va yakunda yoshlar birinchiligi g'olibligini qo'lga kiritishdi. Kelajagimizni – yoshlar bilan quramiz. CHunki jamoaning ertasi aynan Sizlarning qo'lingizda. SHuningdek, ayollar jamoamiz tashkil etilganiga ko'p vaqt bo'lgani yo'q. SHunga qaramasdan ular ilk sovrinlarini qo'lga kiritishdi. Bu jamoamiz yildan-yilga o'sib bormoqda. O'ylaymanki, 2018 yil yakunida ular yanada yuqoriroq marralarni zabt etishadi, - dedi Murodjon Aliev.

SHundan so'ng, “Bunyodkor” yoshlar jamoasiga kichik oltin, ayollar jamoasiga bronza medallari bilan taqdirlandilar. SHuningdek, yaqindagi “Bunyodkor” futbol maktabiga qabul qilingan yangiyo'llik Komiljon Ismoilovga ham tantanali ravishda jamoa libosi topshirildi.

Xabaringiz bor, kuni kecha O'zbekiston futbol federaciyasi hamda “Mahalla Hayriya jamg'armasi” o'rtasida o'zaro memorandum imzolangan edi. Ushbu memorandum ijrosini taminlash maqsadida, “Bunyodkor” futbol klubi ham o'ziga yaqin bo'lgan “Navbahor” mahallasi aholisi bilan yaqin munosabatlarni o'rnatdi. Tadbirga “Navbahor” mahallasi faollari taklif etilib, o'ziga xos suhbat qurildi. Ko'pni ko'rgan, tajribasi katta nuroniy otaxonlarning maslahat va fikrlari tinglandi.