"Bunyodkor" va "Metallurg" vakillari Ukrainadagi xalqaro turnirda ishtirok etishadi
26 avg 2017 15:51
Yangiliklar

"Bunyodkor" va "Metallurg" vakillari Ukrainadagi xalqaro turnirda ishtirok etishadi

Teglar : Muhammadamin Turg'unboev Kiberfutbol

Kievning "Dinamo" klubi ilk marotaba kiberfutbol bo'yicha xalqaro turnir o'tkazmoqda.

26-27 avgust kuni Ukraina poytaxti Kiev shahrida joylashgan "Olimpiyskiy" stadionida kiberfutbol bo'yicha "Dinamo" Yozgi Kubogi deb nomlagan professional kiberfutbol musobaqasi o'tkaziladi.

Turnirda ishtirok etadigan 16 ishtirokchining 10 nafari o'z mamlakatida etakchi bo'lgan, turli nufuzli va xalqaro turnirlarda g'olib bo'lgan kiberfutbolchilar hisoblanishadi.

Qolgan 6 nafar qatnashchi ochiq onlayn saralash doirasida turnirda ishtirok etish huquqini qo'lga kiritgan kiberfutbolchilardir.

Turnir ishtirokchilari:

- Dani ‘Dani’ Hagebeuk, AFC Ajax (Gollandiya)

- Andrés ‘Andrescytorres’ Torres, "Zalcburg" (Avstriya)

- Milosz ’Milosz93’ Bogdanowski, "Legiya" (Polsha)

- Anton ’Anzinho8’ Korvenaho, SJK (Finlyandiya)

- Robert ‘Ufenok’ Fakhretdinov, "Lokomotiv" (Rossiya)

- Evgeni ‘Yozhyk’ Mostovik, Navi (Ukraina)

- Konstantin Ketko, "Dinamo" (Belarus)

- Turgunboev Mukhamaddamin, "Bunyodkor" (O'zbekiston)

- Sandro Maghlakelidze, Gruziya futbol federaciyasi (Gruziya)

- Giorgi Levidze, Gruziya futbol federaciyasi (Gruziya)

- Vitaly ‘Labotryas’ Mukha, "Dinamo" Kiev (Ukraina)

- Server 'Cekka' Kerimov, "Metallurg" (O'zbekiston)

UVSCF (O'zbekiston virtual sport o'yinlari va kiber futbol federaciyasi) turnir hamkori hisoblanadi. Avvaliga O'zbekistonga bitta yo'llanma ajratilgan edi. Mamlakatimizda o'tkazilgan saralash bahslarida "Bunyodkor" kiberfutbolchisi Muhammadamin Turg'unboev g'olib bo'ldi. Turnir ishtirokchilaridan biri malum bir sabablarga ko'ra musobaqada ishtirok eta olmasligi elon qilinganidan so'ng, ushbu o'yinlar tashkilotchilari bu joyni O'zbekistonga berishdi. Mamlakatimizdagi saralashda o'zini yaxshi ko'rsata olgan "Metallurg" o'yinchisi Server Kerimov ushbu turnirda qatnashish imkoniyatiga ega bo'ldi.

Ayni damda ikki kiberfutbolchimiz Muhammadamin Turg'unboev va Server Kerimovlar UVSCF (O'zbekiston virtual sport o'yinlari va kiber futbol federaciyasi) vice-prezidenti Alimaksumov Alixon bilan Ukrainada va o'yinchilar turnirda o'z ishtiroklarini boshlashga tayyorlar. "Bunyodkor" va "Metallurg" klublari vakillariga ushbu musobaqada omad tilaymiz!