“Bunyodkor” sovrindorlarni tabriklaydi!

“Bunyodkor” futbol klubi poytaxtning “Lokomotiv” jamoasini tarixda ilk marotaba chempionlik unvonini qo'lga kiritgani bilan samimiy muborakbod etadi. Bir necha yil mobaynida olib borilgan keng ko'lamli ishlar, nihoyat, samara berdi. Yakunlanayotgan mavsumda “Lokomotiv” Osiyo chempionlar ligasi va O'zbekiston kubogi musobaqalarida ham muvaffaqiyatli ishtirok etgani tahsinga loyiq.

O'z navbatida, Qarshining “Nasaf” jamoasini chempionatning bronza medallari hamda mamlakat kubogi finaliga chiqqani bilan tabriklaymiz!

Murosasiz bahslarda muxlislarini quvontirgan futbolchilarimiz yana ko'p yillar mobaynida futbolimiz peshqadamlari safida bo'lishadi hamda musobaqalarimizning qiziqarli kechishiga hissa qo'shishadi degan umiddamiz. Barcha jamoalarimizga o'zbek futboli ravnaqi yo'lida omad tilaymiz!