"Bunyodkor" Minskdagi so'nggi o'yinda durang o'ynadi

Kecha yig'in doirasidagi so'nggi nazorat uchrashuvi o'tkazildi. Rossiyaning «Smolenks» futbol klubiga qarshi o'yin gollarga boy tarzda kechdi. Vadim Abramov mazkur bahsda bir kun avvalgi uchrashuvda maydonga tushmagan futbolchilarning xizmatidan foydalandi.

Hisob Rossiya jamoasi tomonidan ochildi. Lekin futbolchilarimiz uch daqiqa ichida ikkita gol bilan javob qaytardi. Ammo tanaffusga 2:2 hisobidagi durang bilan chiqib ketildi. Ikkinchi bo'lim avvalida raqib uchinchi marta muvaffaqiyatga erishdi. O'yin yakunlanishi arafasida Mirjahon Mirahmadov uchrashuvga nuqtga qo'ygan gol muallifiga aylandi.

O'yindan so'ng murabbiylar shtabi jamoa ko'rigida bo'lgan hujumchi Muhammad Diallo bilan do'stona xayrlashdi. Qolgan ikki legioner Evgeniy CHumak va Dmitriy Ostrovskiyning taqdiriga shu kunlarda oydinlik kiritiladi.

NAZORAT UCHRASHUVI
«SMOLENSK» (Rossiya) – «BUNYODKOR» - 3:3 (2:2)
«Smolensk»: Nikita Bajanov, Aleksandr Volkov, Semyon Egorov, Ilya Davidov (Kirill Avximovich, 64), Maksim Kovalev, Maksim Stogov, Anton Vinokurov, Ivan Macigura (Ivan Fisunov, 46), Kirill CHernov, Vladislav Davidov, Maksim Akale.
«Bunyodkor»: Abdumavlon Abdujalilov, Sanjar Rixsiboev (Mirjahon Mirahmadov, 46), Boburbek Farhodov, Muhammadodil Qahramonov, Evgeniy CHumak, Nurillo To'xtasinov, Valeriy Akopov (Abdulla Abdullaev, 46), Dmitriy Ostrovskiy, Jasurbek Jaloliddinov, Farrux Ikromov, Vladislav Nuriev (Muhammad Diallo, 64).
Gollar: Maksim Akale, 30 – 1:0. Jasurbek Jaloliddinov, 36 – 1:1. Nurillo To'xtasinov, 39 – 1:2. Maksim Stogov, 42 – 2:2. Vladislav Davidov, 56 – 3:2. Mirjahon Mirahmadov, 90 – 3:3.